AGARIMO

Fala da memoria e do cariño das avoas, que moldeaban o queixo con calma e co que había. Recuperamos a codia lavada a man con soro e un sabor suave, lixeiramente ácido, con notas afrutadas e de nata. É o noso xeito de agradecerlles todo o que fixeron e todo o que nos deixaron. Amor e rebeldía contra o esquecemento.

Agarimo é un queixo de codia lavada elaborado con leite pasteurizado. 

CARACTERÍSTICAS FÍSICAS: Forma cilíndrica. Peso aproximado 550 gr.

ASPECTO INTERIOR 

Textura cremosa, elástica e fundente. A súa evolución no tempo lévanos do seu sabor láctico e tenro a un sabor intenso cunha textura máis dura e cunha concentración de sabor típica do Queixo do País. 
A súa casca é natural cun sabor afroitado e un retrogusto moi elegante.
Falar de Agarimo é falar de tradición, cultura e territorio.
Para lavar a casca recuperamos a tradición das nosas avoas que utilizaban o soro da última produción e con el lavaban o queixo para axudar a formar a casca e que proporciona ese aroma tan característico do queixo galego.